L"Aventurs d"Alis in Marvoland. Alice"s Adventures in Wonderland in Neo
Цена 14.36 - 24.53 USD
Lewis Carroll sar plumnam. Charles Lutwidge Dodgson sir lo vera nam del autor, ki sir profesor de matematio she Christ Church, Oxford. Dodgson ensir et istorel lo 4. Jul nel anyo 1862 van il fir un jit in ropabatel ol flum Thames in Oxford, kompanat pel Rev. Robinson Duckworth, kon Alice Liddell (isanya), fel del Dekan de Christ Church, e la du soros, notye: Lorina (istreanya) ed Edith (otanya). Sar evidenta dal poem al enso del libro, ke lo tre yuninos askir Dodgson rakonti a zel un istorel. Toprime, epete ezitanda, il ensir en rakonti a zel lo prima versyon. Totye nel texto del libro, ki sir ende publikat nel anyo 1865, il riferar a zel mulyes nel libro, mo lesmode semiskelat. Arturo Alfandari sir nasat in Italyo lo 8. Jun 1888, e laborir as exporter, pre sirvir as belga diplomat. Nel anyo 1937, van parir ke un guer sir neevibla, Alfandari decidir ke il vir fi somo po elpi kambi lo perspektivos del komunio internasyona tange lo viv generale, plu pekule meze komunikilo, ke tos pur uti. Alfandari, ki bone spir sep linguos, examir Esperanto, mo krir ke it sar tro komplikat; konseke il ensir inventi sa propa linguo ki sir plu simpla e plu regla, kon radik-vortos plu kurta. Nel anyo 1961, il publikir un manual ligalat d'et linguo internasyona titlat "Neo", ke Paul Rasquin deskribir as "lo natura devolvo noevibla de Esperanto". Aldo Lavagnini it an deskribir as "un mezo radika e satisfa del riformo de Esperanto, ki pur si axeptat pel Esperantistos as simp...